Петропавлда «Отбасым - байлығым» атты шара өтті

Петропавлдық кітапханашылар ерекше эстафета ұйымдастырды. Орталық саябақта өткен «Отбасым - байлығым» атты шараға мектеп оқушылары мен ата-аналар қатысты. Олар спорттық және зияткерлік ойындарда сынға түсті. Шара соңында балаларға түрлі ойыншықтар мен сабақ құралдары сыйға тартылды.

Дамира Жүсіпова, кітапханашы:

Аталған шара Мемлекет басшысының 4-ші Ұлттық құрылтай отырысында айтылған тапсырмасына сәйкес, «Қазақстан балалары» мемлекеттік бағдарламасын іске асыру шеңберінде ұйымдастырылып отыр. Іс-шараның мақсаты – отбасылық құндылықтарды нығайту.

Эльмира Кәленова