СҚО-да оқушыдан туберкулездің ашық формасы анықталды

Солтүстік Қазақстан облысы Ғабит Мүсірепов ауданындағы Новоишимка ауылдық мектебінде 6-сынып оқушысынан туберкулездің ашық формасы анықталды. Мамандардың айтуынша ол 3 жыл бұрын да ауырып, толықтай емделіп шыққан. Науқастың мыңнан астам адаммен қарым-қатынаста болғаны анықталды. Олардың барлығы медициналық тексерістен өтіп жатыр. Білім беру процесі штаттық режимде жалғасуда. Білім ошағында 900-ден аса бала оқып жүр. 3 мың шаршы метр ғимарат дезинфекцияланды. Облыста жыл басынан бері туберкулезге шалдыққан 2 оқушы тіркелді.

Айнагүл Сұрағанова, облыстық білім басқармасының басшысы:

Бүгінгі күні барлық эпидемиологиялық қауіпсіздік шаралары жасалып жатыр. Бүгінгі күні барлық барлық мұғалімдер, оқушылар, техникалық персонал санэпидемологиялық тарапынан тексерістен өтіп жатыр.

Эльмира Кәленова