Жаңалықтарды Telegram арнамыздан оқыңыз!Шымкент қаласында 148 сот орындаушысы өзіне жүктелген міндетті дұрыс атқармағаны үшін тәртіптік жауапкершілікке тартылды. Сондай-ақ өрескел кемшілік жіберген 5 жеке сот орындаушысы лицензиясынан айырылды. Статистикалық деректерге сүйенсек, былтыр 5 мыңнан астам азамат жеке сот орындаушысының іс-әрекетіне көңілі толмай, қалалық әділет Департаментіне шағым түсірген. Олардың арасында жеке кәсіпкерлер де көп. Бизнес өкілдері әсіресе сот орындаушыларының өз өкілеттігін асыра пайдаланып, жауапкердің шетелге шығуына тыйым салу, берешек сомасынан артық ақша өндіру секілді әрекеттеріне наразы дейді әділет Департаментінің өкілдері.
Ғани Қалмаханов
