Жаңалықтарды Telegram арнамыздан оқыңыз!Шымкентте жылу орталығы абоненттерден 486 миллион теңге төлемақыны негізсіз жинаған. Мекеме шығындарын жабу үшін жергілікті қазынадан субсидия қаржы алғанына қарамастан тарифті төмендетпей, артық пайда тапқан. Сондықтан жылу орталығына заңсыз табысты өтем тарифімен қайтару ұсынылды. Бұдан былай төмендетілген жаңа тарифтің енгізілуін сыбайлас жемқорлыққа қарсы қызмет өкілдері бақыламақ. Соның нәтижесінде мегаполисте жылу тарифі алдағы маусымда төмендейді. Шаһарда екі мыңнан астам көпқабатты тұрғын үй мен мемлекеттік мекемелерге қызмет көрсетіп келеді.
Жандос Бекасанов, қалалық сыбайлас жемқорлыққа қарсы іс-қимыл Департаментінің басқарма басшысы:
Уәкілетті орган да, монополист те уақытша өтемдік тарифті енгізу бойынша тиісті шараларды қабылдамаған. Біздің араласуымыздан кейін Табиғи монополияларды реттеу Комитеті департаментімен «Қуатжылуорталық-3» мекемесіне 280 млн теңге көлемінде айыппұл салды.
Ғани Қалмаханов
