Шымкентте репродуктивті денсаулық апталығы басталды

Шымкентте отбасы жағдайын жоспарлау және жастардың денсаулығын нығайту мақсатында апталық басталды. Бұл шара аясында дәрігерлер ұрпақ әкелу, жүктіліктің алдын алу және жыныстық сауаттылыққа қатысты ақыл-кеңес береді.

Аурухана мен емханаларда «Ашық есік» күндері өткізіліп, бала сүйе алатын жастағы азаматтар медициналық тексерістен өтуде. Қазіргі таңда Шымкентте жастардың денсаулығы бойынша 9 орталық жұмыс істейді, олар отбасын жоспарлау және контрацепцияның қауіпсіз әдістері туралы ақпараттық-түсіндіру жұмыстарын жүргізеді.

Сәуле Дүйсенбаева, қалалық денсаулық сақтау басқармасы басшысының орынбасары:

««Дені сау ұрпақ» хэштегі бойынша челлендж қала бойынша барлық білім мекемелерінде жүргізіледі. Сонымен қатар, жыныс жолы арқылы жұғатын аурулардың алдын алу мақсатында бірқатар кеңестер өткізілуде».

Ғани Қалмахан