Қызылорда облысында Кеңес Одағының Батыры Н.Ілиясов ауылына табиғи газ берілді

Қызылорда облысы, Сырдария ауданында Ұлы Отан соғысының жауынгері, Кеңес Одағының Батыры Нағи Ілиясов ауылына табиғи газ берілді. Ұлы Жеңістің 80 жылдық мерейтойында батыр есімі берілген елдімекен тұрғындары қуанышқа бөленді. Өңірдегі сәулеті келіскен, әлеуеті жоғары ауыл жұртының бұл көптен күткен талап-тілегі еді. Бүгінде Нағи Ілиясов ауылында 2 мыңнан аса халық тұрады. Тұрғын үйлерден бөлек енді елдімекендегі заманауи стадион, спорт кешені, мәдениет үйі мен әлеуметтік нысандарды көгілдір отынмен жылытатын болады.

Айнұр Қайбылдаева, ауыл тұрғыны:

Батыр есімі берілген ауылға көгілдір отын беріп жатыр. Осыған дейін от жаққанбыз. Жұмысымыз жеңілдеп, жақсы көгілдір отынның рахатын көреміз деген үміттемін.

Әділбек Серікұлы