Air Astana: Алматы – Дели бағытындағы ұшақ ұшпайды

Air Astana компаниясы Алматы – Дели – Алматы бағытындағы ұшақ ұшпайтынын хабарлады. Бұған Үндістан мен Пәкістан арасындағы әуе кеңістігінің жабылуы себеп болған. Жолаушыларға сатып алған билеттердің құны толық қайтарылады. Қазір балама бағыттар арқылы рейстер ұйымдастыру мүмкіндігі қарастырылып жатыр, делінген хабарламада. Әуе компаниясы жағдайдың өрбуін мұқият қадағалап отырғанын, жолаушыларды кез келген өзгерістер туралы жедел хабардар ететінін ескертті. Бұған дейін Тбилисиден Алматыға шыққан Air Astana ұшағы Бакуге шұғыл қонған.

Қуан Нұрақын