Алматыда таудан тас құлап, бір адам көз жұмды

Алматыдағы Алма-Арасан шатқалында тас құлап, бір адам көз жұмды. Бұл туралы қалалық Полиция департаменті хабарлады. Қазір оқиғаның мән-жайын Медеу аудандық Полиция басқармасы анықтап жатыр. Оқыс оқиға болған кезде сауықтыру кешенінің аумағында демалушылар болған. Бірі оқиғаның салдарын видеоға түсіріп, тас құлаған кезде жуыну орнында болғанын, бірақ қашып үлгергенін айтады. Қалалық Төтенше жағдайлар департаменті тастың құлауына толассыз жауған жауын себеп болуы мүмкін, дейді.

Қуан Нұрақын