Жаңалықтарды Telegram арнамыздан оқыңыз!Түркістан облысында 28 полиция қызметкері майнинг ферманың жабдықтары жоғалып кетуіне байланысты тәртіптік жазаға тартылды. Еліміздің ІІМ тарапынан кезекті тексеру жүргізу барысында құны 400 млн теңге тұратын құрал-жабдықтардың қолды болып кеткені анықталған. Оның қорытындысы бойынша түрлі қызметтік тәртіпті бұзғаны және жұмыстағы кемшіліктері үшін қатардағы тергеушілерден бастап, жоғары шенді офицерлерге де тәртіптік шара көрілген. Мәселен, Түлкібас аудандық ішкі істер бөлімінің бастығы қызметінен босату туралы өтініш түсірсе, облыстық Полиция департаменті бастығының орынбасарлары мен түрлі бөлім басшыларына қатаң сөгіс берілген. Түлкібас аудандық полиция бөлімінің бірқатар қызметкері жұмыстан босатылған.
Ғани Қалмахан
