Алматыдағы Кеңсай зиратында тазалық жұмыстары жүргізілді

Алматыдағы Кеңсай зираты қоқыстан тазартылды. Жеңістің 80 жылдығына орай ұйымдастырылған акцияға жастар мен еріктілер қатысты. Олар аумақтарда тазалық жұмыстарын жүргізіп, зират маңын ретке келтіріп, гүл шоқтарын қойды. Шараның мақсаты — зиратта жерленген майдангерлердің рухына құрмет көрсетіп, қала тұрғындарының арасында экологиялық мәдениетті қалыптастыру, - дейді ұйымдастырушылар. Зираттың сыртқы және ішкі тазалығына мән беріліп, қалдық заттар мен қоқыс шығарылды.

Әкежан Бақытұлы, Жетісу аудандық комьюнити орталығының жетекшісі:

Бүгінгі шара тек сенбілік қана емес, жастардың өткенге құрмет білдіруінің айқын көрінісі деуге болады. Әрбір ретке келтірілген құлпытас, алаң ол біздің батыр бабаларымыздың ерлігін тағы да бір рет құрметтеп, олардың дәріптеу деп білеміз.

Қуан Нұрақын