Алматыда Сақ қорғандарының аумағына ағаш отырғызылды

Алматыда Сақ қорғандарының аумағына ағаш отырғызылды. Наурызбай ауданында өткен шара Қазақстан Халқы Ассамблеясының 30 жылдық мерейтойына орай ұйымдастырылған. Акцияға этно-мәдени бірлестіктердің өкілдері қатысты. Бұл аумаққа тұрғындар 2022 жылдан бері ағаш отырғызып келеді. Қазір демалуға ыңғайлы, жасыл желекке оранған, ауасы таза саябаққа айналған. Этно-мәдени бірлестік өкілдері қазір бұл орынның тұрғындар демалатын мекенге айналғанына қуанышыты.

Әбділкәрім Охузхан, Қазақстан Халқы Ассамблеясының мүшесі:

Бұл әр азаматтың мәндеті. Тұратын жерімізде тазалық сақтау керекпіз. Ағаштарды қаламызда, ауылымызда отырғызу керек. Жаңа Қазақстанға тазалық алып келу мақсатымыз.

Қуан Нұрақын