Жаңалықтарды Telegram арнамыздан оқыңыз!Қызылордада техникалық және кәсіптік мамандықта оқып жатқан студенттер арасында байқау өтті. Болашақ жас мамандар білім-біліктілік сайысында теория мен өндірістік тәжірибені ұштастырып, шеберліктерін көрсетті.
Бүгінде облыста жұмысшы мамандарын даярлайтын 28 колледж бар. Онда 20 мыңнан аса жас білім алады. Аймақтық байқауда студенттер құрылыс, тігін технологиясы, шаштараз секілді 4 санат бойынша сынға түсті. Іріктеуден іркілмей өткен үздіктер республикалық кезеңге жолдама алды. Жалпы Сыр өңірінің талапты жастары бұған дейін де кәсіби біліктілігін паш етіп, екі студент халықаралық байқауға шақырту алған.
Жансая Абдуллаева, тігін шебері:
Ақпан айында Шымкент қаласында іріктеу туры өтті. Сол іріктеуден өтіп, «Еуроскилз-2025» халықаралық чемпионатына жолдама алдым. Ол чемпионат Дания мемлекетінде өтеді. Қазіргі кезде бізге қандай жұмыстарды атқару керек сол туралы айтып жатыр.
Әділбек Серікұлы
