Абай облысында ауыл мектептеріне 13 мыңнан аса кітап сыйға тартылды

Абай облысының 233 ауылына 13 мыңнан аса кітап таратылды. Мұндай игі іске «Артық білім – кітапта» жобасы аясында «ASSYLTAS» қоғамдық қоры мұрындық болған. Әрбір мектепке қазақ және әлем әдебиетіндегі балалар мен жасөспірімдерге арналған үздік шығармалар енген 60 түрлі кітаптан құралған жинақ берілді. Мақсаты – ауыл мектептерінің кітапханаларын мазмұнды әдебиетпен толықтырып, балалардың кітап оқуға деген ықыласын арттыру. Кітаптар Аягөз қаласынан өңір мектептеріне жөнелтілді. Жыл соңында осы жинақтар бойынша оқушылар арасында байқау ұйымдастырылып, үздіктерге бағалы сыйлықтар табысталмақ.

Ержан Жақып