Шымкентте Ұлттық кітап күні танымдық ойын өткізілді

Ал Шымкентте «Бір сұраққа бір кітап» шарасы ұйымдастырылды. Арбатқа жиналған жастар арасында танымдық ойын өтіп, көркем шығарма атауы, ондағы образдар, туынды авторына қатысты сұрақтар қойылды. Сауалға қатесіз жауап бергендерге бір-бір тегін кітап сыйға берілді. Акцияны ұйымдастырушылар демеушілердің қолдауымен бұл шараға 100 кітап алып келген. Олардың ішінде әлем классикасы, қазақ әдебиеті мен тарихы, салт-дәстүріне қатысты туындылар бар.

Алмас Бауыржанұлы, оқытушы:

Мұндай жиындар жиі болса, тек қана арнайы кітап күнінде емес. Өйткені апта сайын, ай сайын дағдыланып, адам санасына сіңе берсе, жастар сол арқылы дүниені таниды. Сол арқылы өзінің болмысын таниды, әлемді таниды ешқайда бармай-ақ. Неге оқымасқа сондай кітаптарды.

Ғани Қалмаханов