Жаңалықтарды Telegram арнамыздан оқыңыз!Көкшетау-Зеренді бағытындағы жолды орташа жөндеу жұмыстары былтыр басталған. Бүгінде оның 47 шақырымын кеңейту жұмыстары жүріп жатыр. Жоба құны – 4,6 миллиард теңге.
Бибінұр Әмірханқызы, тілші:
Көкшетау-Зеренді бағытындағы бұл жол 7 метрден 11 метрге дейін кеңейтілмек. Оның бір жолағы реверсивті болады. Бұл Зеренді курортты аймағына бағытталған көліктер легінің артуына өз септігін тигізеді.
Мердігер компанияның өкілі жолды жөндеуге қажет материалдардың барлығы дайын болғандықтан, жұмыстарды жыл соңына дейін аяқтаймыз, деп отыр.
Рустам Бадалян, «Көкшетау Автодор» ЖШС атқарушы директоры:
Қазір біз жолды кеңейтуді қолға алдық. Топырақты сырып, қиыршық тас төсейміз. Сөйтіп, жолдың бетін нығайтып, бекітетін боламыз. Курортты аймақ болғандықтан, көлік легі көп. Сондықтан жұмыстарды сапалы орындауға тырысып жатырмыз.
Биыл Ақмола облысында жол құрылысы мен жөндеу жұмыстарына 109 миллиард теңге бөлінбек. Оған 800 шақырымнан астам жолды жаңарту жоспарланған. Жөндеу жұмыстары республикалық маңызы бар тасжолдармен қатар, елдімекендердегі көшелер мен жолдарды да қамтиды.
Төлеген Абдуллин, ҚР Көлік министрлігі автомобиль жолдары комитетінің төрағасы:
Мемлекет басшысының тапсырмасына сәйкес, 7 мың шақырым орташа жөндеу жұмыстары биыл жоспарлануда. Соның ішінде осы учаске Көкшетау-Зеренді 47 шақырымы да бар. Ол алғаш рет ҚР жолдарын реверсивті қозғалыс деп аталады.
Биыл сондай-ақ, елорда мен батыс өңірлер арасындағы көлік қатынасын айтарлықтай жақсартатын республикалық жаңа автожолдың құрылысы басталады. Жолдың Ақмола облысы аумағындағы ұзындығы 300 шақырымды құрайды және өңірдің 5 ауданын басып өтеді.
Бибінұр Әмірханқызы
