Шымкентте студенттік және жастар жасағының еңбек маусымы басталды

Шымкентте студенттік және жастар жасағының еңбек маусымы басталды. Салтанатты шараға 6 жасаққа топтасқан 100-ге тарта студент қатысты. Олар еңбек маусымы кезінде 4 бағыт бойынша жұмыс істейді. Экологиялық бағытты таңдағандар демалыс орындары мен саябақтардағы тал-теректерді күтімге алып, тазалық шарасын жүргізеді. «Ауыл» партиясының бастамасымен жұмысы қайта жанданған жастар еңбек жасақтары былтыр еліміздің солтүстігі мен батыс өңірінде болған тасқын судың зардаптарын жоюға көмектесті. Биыл еліміз бойынша студенттік және жастар жасағына 1200-дей жас тартылмақ.

Сұлтан Мұхтаров, Студенттік және жастар жасағының мүшесі:

Студенттер және жастар жасағы құрамында болғанымды мақтан тұтамын. Яғни елімізде пайда тигізе отырып, айлық тауып, табыс алайын деп тұрмыз. Соның өзі қазіргі студенттерге үлкен мүмкіндік десек болады.

Ғани Қалмахан