Жаңалықтарды Telegram арнамыздан оқыңыз!Қызылордада оқушы қызды жезөкшелікке мәжбүрлеген қылмыстық іске нүкте қойылды. Бүгін осы оқиғаға қатысы бар 9 айыпталушыға сот үкім шығарып жатыр.
Қоғамда дау туғызған сот процесі жабық түрде өтті. Қылмыстық кодекстің бірнеше бабына сәйкес, оқушы қызды жыныстық қатынасқа түсуге мәжбүрлеп, жеңгетайлық етіп, ақша алу деректері бойынша іс қаралды. 9 адамға тағылған айып, банк карталарына түсіп отырған ақша аударымдары, «WhatsApp» желісі арқылы хат-жазбаларымен және оқиға орнынан алынған заттармен дәлелденді. Айыпталушылардың 5-еуі әлі кәмелет жасына да толмаған. Осы мән-жай ескеріліп, олардың жазасы жеңілдетілді.
Сондай-ақ, айыпталған азаматтар сот процесі барысында өз кінәларын мойындап, істеген істеріне өкінетіндерін жеткізген. Сот үкімі әлі заңды күшіне енген жоқ.
Әділбек Серікұлы
