5 сәуір мопедтерді тіркеу аяқталады

Осы аптада мопедтерді тіркеу аяқталады. «Тіркелмеген мопедтер айып тұрағына қойылып, иелері әкімшілік жауапкершілікке тартылады», - дейді полиция қызметкерлері. Қазір Алматыда 6 мың 500 мопед тіркеуден өткен. Мопедтерге мемлекеттік нөмір алу үшін тұрғылықты жері бойынша мамандандырылған халыққа қызмет көрсету орталығына бару қажет. Алғашқы тіркеуге тіркеу туралы куәлік және мемлекеттік нөмір алу үшін барлығы 11 мың теңгеден аса қаржы төлеуі тиіс. Ешқандай құжаты немесе VIN-коды болмаған жағдайда ішкі істер органдары мопедті жеке тексереді. Былтыр “Жол қозғалысы туралы” заңға өзгертулер енгізілді. Құжатқа сәйкес осы жылдың 5-ші сәуірінен бастап тіркелмеген мопедтерді басқаруға тыйым салынады. 

Қуан Нұрақын