Атырауда су тасқынына қарсы жедел штаб отырысы өтті
Атырауда тасқынға қарсы дайындық мәселесі бойынша жедел штаб отырысы өтті. Жайық өзені былтырғыдай тасымауы мүмкін. Ал Қызылқоға және Жылыой ауданында тасқынның жоғары қауіптілігі сақталып отыр. Өңірдегі әріптесім Нұрсұлтан Нұрсейіт рет-ретімен тікелей байланыста баяндауға әзір. Нұрсұлтан, дайындық жұмыстары қалай жүріп жатыр? Қанша елді-мекенге қауіп бар?
Нұрсұлтан Нұрсейіт, тілші:
Қаракөз, қазір облыс бойынша тасқын қаупі бар елдімекендердің тізбесі қайта қаралып, нақтыланды. Бақылауға алынған 51 елдімекеннің 14-де тасқын қаупі азайды, алайда қалған 37-де қауіп әлі бар. Еске салсақ, өткен жылы құрылған жедел штабта тәулік сайын жиналыс өтіп, нөпір судың бағыты, мөлшері есептеліп, тасқынға қарсы шаралар қабылданған еді. Жауаптылар биыл да осы бағытта жұмыс істейді. Қазгидрометтегі мамандардың алдын-ала болжамына сәйкес Жайық өзені 430-490 см-ге дейін көтеріледі. Бұл өткен жылғы деңгейден 1 метрге аз. Үлкен қауіп Жылыой және Қызылқоға аудандарында сақталып отыр. Ойыл, Ноғайты, Жем өзендеріне мол су келуі мүмкін. Өткен жылы судан қатты зардап шеккен Жылыой ауданында тасқынға қарсы дайындық жұмыстары аяқталып келеді. Жем мен Құрсай арналары кеңейтіліп, бөгет нығайту 87 пайызға бітті. Қызылқоғада да жағалар бекітіліп жатыр. Су деңгейін бақылау мақсатында тағы қосымша 4 гидробекет салынып жатыр. Облыс әкімі бұл жұмыстарды жеделдету үшін басқарма басшыларына қатаң тапсырма берді.
Серік Шәпкенов, Атырау облысының әкімі:
Үлкен қауіп бар деп ойламаймыз, Жайық бойынша. Бірақ біз мұқият болуымыз керек, әріптестер. Ертеңгі жұмыстарыңыз уақытылы бітпейтін, анау ұтып алып еді, мынау істемеп еді деген мәселелерді мен сіздерден естімейтін болайын. Төтенше жағдаймен жұмыс істеп отырмыз ба, сұрауы да сондай болады.
Нұрсұлтан Нұрсейіт, тілші:
Әкімдіктегілер жуырда көрші Ресейдегі Орынбор облысында болып, тасқынға қарсы шаралармен танысып келген. Қазір сондағы мамандармен хабар алысып, жағдайды жіті бақылап отыр.
Автор
Нұрсұлтан Нұрсейіт
Сондай-ақ оқыңыз
Барлығы
Өзбекстанда қандастарымыз өз тілінде білім алады
18.09.2025, 10:11

Білім саласын цифрландыру - басым бағыттың бірі
18.09.2025, 10:10
Мамандар мемлекеттік қызметке онлайн түрде ғана қабылданады
18.09.2025, 10:09
Жер қойнауының жаңа картасы: Алғашқы лекте 100 мың шаршы шақырым аумақ қамтылмақ
18.09.2025, 10:08
Атырауда ірі газ-химия кешенінің құрылысы қарқынды жүріп жатыр
18.09.2025, 10:06
Дін көшбасшылары: Дін - адамзатты біріктіретін құрал
18.09.2025, 10:05
Халық пікірі: Киберқылмыс тұрғындардың цифрлық қауіпсіздігіне нұқсан келтіреді
18.09.2025, 10:03
Жол апаты: Қостанайда жыл басынан бері 50 адам көз жұмды
18.09.2025, 10:01