Жаңалықтарды Telegram арнамыздан оқыңыз!Астана іргесіндегі Қоянды елдімекен тұрғындары тасқыннан қауіптеніп отыр. Олардың сөзінше, көшелердегі қар үйінділері ауыл сыртына шығарылмаған. Егер күн күрт жылынса, ол еріп, аулалар мен ауылішілік жолдарды шайып кете ме деп алаңдаулы.
Бибіхан Ошманқызы, ауыл тұрғыны:
Осыны қайтем деп таңертең тұрып алып, таңертеңнен бері жұмыс істеп, жаңа оқушым әкеп тастап, қайттан шығып тұрмын. Мынау ғана емес, мынаның ар жағында қаншама, қыстай шығардым. Істеп жатыр енді. Жолдарды күреп, осылай ашып кетеді. Енді олардың да шамасы жеткізе алмай жатыр ғой енді. Не дейміз енді.
Ал жергілікті атқарушы биліктің ақпарынша, биыл ауылда қар тазалау жұмыстары қарқынды жүріп жатыр. 80 млн теңге бөлініп, техникалар мен жұмысшы саны көбейген. Бүгінге дейін 80 мың текше метр қар шығарылса, алда 50 мың текше метр қар жинау жоспарлануда. Осы жылы су басу қаупі төмен. Тұрғындардың алаңдауына негіз жоқ дейді.
Бақытхан Солтанбай, ауыл әкімі:
Ауылға суды кіргізбес үшін көктемде 4 200 км, тереңдігі 7 метр, ені 6 метр үлкен котлаван қазылды ауылдың сыртынан. Яғни бұл бұрын-соңды жасалмаған жұмыстар. 2024-те 2025 жылы су тасқынының алдын алу мақсатында осындай аумақты жұмыс атқарылды. Көшелерден қарлар шығарылып жатыр. Арнайы 2 жерде полигон бар. Сол жерге ауылдан шыққан қарды апарып, күндіз-түні жұмыс жасалып жатыр.
Динара Жарқынбек
