Кәсіптік білім беру мен радикалды ағымдарға қарсы күрес күшейтіледі

Бурабайда өткен ІV құрылтайда ел үшін маңызы зор бірнеше мәселе сөз болды. Президент ұрпақ тәрбиесінен бастап экономикалық жетістіктерге жетудің нақты іс жоспарын жариялады. Келелі жиынның маңыздылығы қазір ел ішінде қызу талқыланып жатыр.

Нұртас Ахат, ҚР Еңбек сіңірген ұстазы:

Бүгінгі ұрпақты жаңа деңгейде тәрбиелеу мәселесі жақсы айтылды. Қазақстан экономикасын индустриалдық бағытта дамытуда бұл техникалық және кәсіптік мамандардың көп болуы яғни қазақстандық кадрлардың жаңа бағытта дамыту мақсаты қойылып отыр.

Ерғали Әбуғали, қоғам белсендісі:

Тұмшаланып, қара жамылып, тек қана көзін ғана көрсететін біздің тарихымызда болмаған. Сондықтан алдағы уақытта осы бағытта да заңдар қатаңдатылып, арнайы заң қабылданып, жүйелі жұмыс жүргізілетініне сенеміз. Теріс пиғылдыларға ермеуін қалаймыз. Міне, Президент осы тұрғысында дұрыс айтты.

Ғабит Ұзақбай