Түркістан мен Шымкент жұрты амал мерекесінде қауышты

Бұл - үш жүздің басын қосқан оңтүстіктегі, Ордабасыдағы амал мерекесі. Түркістан облысы мен Шымкенттің жұртшылығы бір бірімен қауышып, арқа -жарқа болды. Өңірде күн жылы, көктем келіп, жер ана бусанған сәтте ауылы аралас, қойы қоралас жатқан екі өңірдің тұрғындары өзара ынтымақ-бірлігін паш етті. Түркістанның халқы қоржынға салған сый-сыяпаттарын ұсынса, ордабасылықтар ұлттық тағамдардардан дастархан жайды. Ер азаматтарға жаппай қазақы тақия таратылып, әжелерге ақ жаулық, орамал жапты. Осылайша жастар үлкендерге ізет көрсетіп, ілтипат білдірді.

Айзада Әріпханқызы, Ордабасы ауданының тұрғыны:

Қазір әлемде 300 млн-нан астам адам осы Көрісу амалын тойлайды екен. Міне бүгінгі көрісудің өзі де айтып тұр, қыстан аман-есен шығып, күллі тіршілік тіріліп жатқан кез. Жер ана табиғат жылып жатқан кез. Бір-біріне деген адал ниетті білдіретін сондай дәстүріміз көрісу.