Жаңалықтарды Telegram арнамыздан оқыңыз!«Абай – дара, Абай – тұлға!» Бүгін Алматыдағы №141 мектепте ұлы ағартушы, ақын Абай Құнанбайұлының 180 жылдық мерейтойына орай қазақ тілі мен әдебиеті мұғалімдерінің арасында осындай тақырыпта семинар өтті. Ойшылдың мерейтойына жиналғандар алдымен мектеп қабырғасындағы 20 жыл бұрын құрылған Абай музейін аралады. Қордағы кітаптар мен қолжазбалар, естеліктер, тақырыпқа байланысты тұрмыстық заттар мен елеулі экспонаттар көрермен назарына ұсынылды. Сондай-ақ салтанатты шара аясында оқушылар қонақтарға ән шырқап, би билеп, ақын шығармаларынан қойылым қойды.
Ұстаздардың сөзінше, уақыт өткен сайын Абай тұлғасы биіктеп қана қоймай оқушыларды тәрбиелеуде негізгі құндылыққа айналып келеді.
Лиза Кәрімова, ҚР Білім беру ісінің үздігі:
Абай жөнінде тереңірек танысуға, тереңірек білуге іс-шараның маңызы зор деп ойлаймын. Қолданған заттары тұр. Өздерінен тараған ұрпақтарынан стэнд жасап қойғанбыз. Абайдың тікелей шөберелерінің суреттері бар. Біздің мектепте қонақта екі үлкен апа болған. Қазір жастары 90-ға келіп қалды. Ол кісілердің бізге сыйға тартқан құмырасы ең құнды жәдігер болып есептеледі.
Қуан Нұрақын
