Жамбыл облысында жолда қалған 21 адам құтқарылды

Жамбылда ұйтқи соққан бораннан Тараз бен Шымкентке қатынауға шектеу қойылды. 

Таңғы 06:30-да Жуалы ауданындағы «Бауыржан Момышұлы-Қошқарата-Қызтоған» автожолы жабылды. Ал Күреңбел мен Ертай ауылы маңында 5 жеңіл көлік қар құрсауында қалып қойған. Автокөліктерден 21 адам құтқарылды. Оның 3-уі бала. Төтенше жағдай қызметкерлері жол талғамайтын көлікпен жедел жетіп, жолаушыларды Күреңбел ауылына жеткізді.

Сәулембек Көмекбаев, Жуалы ауданының тұрғыны:

Жуалы ауданының 7-өрт сөндіру бөлімі келіп,  бізге көмек қолын созып, бәрімізді ауылға аман-есен алып келді. Оның ішінде бала-шаға да бар еді. Көп рақмет.

Данияр Әлімқұл