Жаңалықтарды Telegram арнамыздан оқыңыз!Таразда тұрғындардың өз көшелерін жылу жинап жөндеуі әлеуметтік челленджге айналғандай. Бұл жолы Бектөбе ауылының тұрғындары автожолды асарлатып тегістеді.
Қала іргесіндегі ауылдың 4 жарым мың тұрғыны бар. Жыл сайын әр көше тұрғындары жиналып, өз беттерінше жол жөндеуді әдетке айналдырыпты. Өйткені әкімдікке қанша айтқанымен тауымыз шағылды дейді. Айтуларынша Жамбыл ауданы әкімдігі тұрғындар тілегін 15 жыл бойы орындамаған. Сондықтан Баласағұн көшесіндегі 50 үй 15-20 мың теңгеден шығарып, бір жарым шақырым көшені толық тегістеген.
Бақытжан Атайбек, ауыл тұрғыны:
Суды жүргізді, қалды, жолдың бәрі адам жүре алмйтындай болып қалды ғой, адам тұрмақ. Әкімшіліктен, басқадан ешқандай көмек болған емес. Тек қана тұрғындардың күшімен ғана жөнделіп тұр. Жыл сайын көктем шығады, қазылады, шағал төсейміз, техника жалдаймыз, грейдер.
Ал жыл басында Бектөбе ауылы қала құрамына қабылданған. Артынша жаңадан құрылған «Әулиеата» ауданының әкімшілігіне кірді. Енді шенділер ауылды алапқа айналдырмақ. Былтыр Жамбыл ауданы әкімдігі ауылға ауыз су кіргізе бастаған. Биыл кеш аяқталатындықтан асфальт төселмейді деп отыр.
Медет Нұрмаханов, Әулиеата ауданы әкімінің міндетін атқарушы:
Бірден жол салуға болмайды. Өйткені отыру керек топырақтары. Одан кейін барып 2026 жылы біз салуды жоспарлап отырмыз осы Бектөбе, Қызылшарық ауылдарына. Барлық көшелеріне түседі деп жоспарлап отырыз. Бізге берген тізімі бар 36 көше жобамен.
Данияр Әлімқұл
