Жаңалықтарды Telegram арнамыздан оқыңыз!Алматы облысының полициясы Талғардағы Шерзат Полаттың өліміне қатысты тергеудің аяқталғанын хабарлады. Тараптар қылмыстық іс материалдарымен танысқан. Тергеу барысында 40 сот сараптамасы жүргізіліп, 200 куәгерден жауап алынған. Қылмыстық іс 62 томнан тұрады. Әрбір тергеу әрекеті қылмыстық заңнама талаптарына сай обьективті жүргізілді, - дейді полиция өкілдері.
Тергеудің барысы және қатысушылардың құқықтарының сақталуын прокуратура бақылаған.
Еске салайын, былтыр 4 қазанға қараған түні Шерзат Полат есімді Талғар тұрғыны кісі қолынан қаза тапқан еді. Осы іс бойынша 11 күдікті қамауға алынды.
Қуан Нұрақын
