Жаңалықтарды Telegram арнамыздан оқыңыз!Абай облысында жыл басынан бері қоғамдық орындарды ластаған 656 адам бейнебақылау жүйесі арқылы анықталып, оларға 24 миллион теңгеден астам айыппұл салынды. Тәртіп бұзғандардың дені белгіленбеген орындарда шылым шегіп, көше ортасына қоқыс тастаған. Заңға сәйкес мұндай ерсі әрекеттер үшін әкімшілік құқық бұзушылық кодексі бойынша 10 айлық есептік көрсеткіш мөлшерінде айыппұл салынады. Қайталаған жағдайда бұл сома екі еселеніп, 73 мың теңге төлейді.
Дәурен Бақыт, жедел басқару орталығының бастығы:
Біз, жедел басқару орталығының қызметкерлері, күнделікті қоғамдық орындарды ластау, темекі тұқылдарын тастау сияқты әрекеттерді күнделікті монитордан бақылап отырамыз. Қазір «Таза Қазақстан» деп ұрандатып жатырмыз. Сондықтан әр адам өзінен бастауы керек. Өзінің тазалығына, қоғамдық тәртіпке көзқарасын өзгертуі керек деп ойлаймын.
Ержан Жақып
