Шымкентте білім саласында 1,5 млрд ₸ ұрланған

Шымкентте білім саласына бөлінген ақшаның 1 жарым миллиард теңгесі жымқырылған. Мұндай әккі тірлікті мектептегі бухгалтерлер жасаған. Олар мұғалімдерге көп жалақы аударып, артығын өздері алып келген. Енді бірі мекеме басшысының цифрлы қолтаңбасын пайдаланып, ойына келген тірлігін жасаған. Сондай-ақ біразы мемлекеттің әр баланы қаржыландыруға бөлген ақшасына да сұғанақтық жасаған. Осындай әрекеті үшін қала мектептерінде жұмыс істеген 18 есепші сотталды. Сыбайлас жемқорлыққа барған тағы 32 қызметкер әкімшілік жазаға тартылды. Оларға сот 800 миллион теңгеге жуық айыппұл салған. 

Ғани Қалмаханов