Полиция: Түрмеде туған күн тойлағандар жазаланады

Түрмеде туған күн тойлағандар жазаланады.

Шерзат Полатты өлтірді деген күдікпен қамауда отырғандардың әрекетіне қатысты облыстық Полиция департаментінің өкілдері осылай деді. Қазір аталған факт бойынша жан-жақты тексеру жүріп жатыр. Әлеуметтік желіде тараған бейнежазба Алматы облысы Еңбекшіқазақ ауданының уақытша ұстау изоляторында түсірілген.

Еске салайық, былтыр 4 қазанға қараған түні талғарлық Шерзат Полат кісі қолынан қаза тапқан еді. Осы іс бойынша 11 күдікті қамауға алынған.

Мейрам Әбікеев, облыстық ПД басшысы:

Барлық кінәлі тұлға, соның ішінде басшылық қатаң жауапкершілікке тартылады. Тергеу барысы ерекше бақылауға алынды. Осы құқық бұзушылыққа ықпал еткен себептер мен жағдайларды жою бойынша шаралар қабылданды.

Қуан Нұрақын