Енді коммуналдық төлемдер үшін біріңғай түбіртек енгізіледі

Қазақстанда барлық коммуналдық қызмет үшін бірыңғай түбіртек енгізілді. Бұл туралы Өнеркәсіп және құрылыс вице-министрі Жаннат Дубирова айтты. Оның сөзінше, енді әртүрлі төлем қағазын қарастырудың қажеті жоқ. Барлық ақпарат бір құжатта жинақталады. Бұл жүйені тек қалаларда ғана емес, аудан орталықтары мен ауылдарда да қолжетімді ету көзделіп отыр. Бірыңғай түбіртек екінші деңгейлі банктер арқылы онлайн беріледі, ал оны төлеу бірнеше батырманы басу арқылы жүзеге асады. Мақсат тұрғындарға қолайлы жағдай жасау. Қазір тиісті мекемелер мен облыс әкімдері жобаны жүзеге асыруға кіріскен.