Жаңалықтарды Telegram арнамыздан оқыңыз!Маңғыстауда былтыр 35 балаға даун синдромы диагнозы қойылған. Бір өңір үшін бұл өте көп дейді мамандар. Ел бойынша да статистика мәз емес, өткен жылы 139 сәби осы кеселді арқалап дүниеге келген. Бұған не себеп? Аягөз Оралбайқызы зерттеп көрді.
Ақтаулық Орынбибі Сопиеваның алтыншы баласына аяғы ауыр. Алдыңғыларының дені сау. Алайда бұ жолы дәрігерлер оған инвазивті тексеруден өтуге кеңес берген.
Орынбибі Сопиева, қала тұрғыны:
6-шы балам 16 аптадан өтіп жатырмыз. Күдікпен жүру қиын енді. 9 ай тағы жүру керек қой енді. Сол үшін ерте тексерілуге келдім осында. Қорықпаймын мен, дәрігер айтты соған бару керек деді, дайындалу керек деді, сол келіп тұрмын.
Гүлмира Мұсаева да хромосомды аурулар бойынша қауіп-қатері жоғары топта. Көңілдегі күдіктен арылу үшін ол алдын- ала тексеруден өтті.
Гүлмира Мұсаева, қала тұрғыны:
Қобалжу басым болды. Ешқандай ауыру ештеңе болған жоқ. Бәрі профессионально. 1минуттың ішінде бәрі бітті. Қан бойынша көптеу риск көрсетіп тұр. Узи бәрі жақсы. Бұйырса ответ жақсы болса, беременносттың аяғына дейін тыныш жүремін.
Аймақтың бас генетигі Нұргүл Жүсіпованың айтуынша, хромосомды аурулар оның ішінде даун синдромы - инвазивті диагностика арқылы ғана анықталады. Бірақ әйелдердің көбі бұл зерттеуден бас тартады. Былтыр аймақта 420 жүкті әйел жоғарғы қауіп-қатер тобына енгізіліп, инвазиялық тексеруге жіберілген. Соның тек 250 і зерттеуден өткен. Нәтижесінде 100 ге жуық әйелдің әлі тумаған баласына даун диагнозы қойылған.
Нұргүл Жүсіпова, облыстық перинаталдық орталықтың медико-генетикалық бөлімінің меңгерушісі:
Оның ішінде 67-сі жүкті кезінде арнайы зерттеулерден өткізіліп, жүктілігі тоқтатылды. 5-еуі тексерілгеннен кейін сол баланы қабылдаймын деп қалдырды және 35 бала туылды. Енді биылғы мың балаға аз туылған баламен салыстырғанда былтырғы жылы 25 дауна бала, биылғы жылы 35 дауна бала ол статистика бойынша өте көп деген сөз.
Инвазивті зерттеу дүниежүзінде қолданылады. Балаға еш зияны жоқ. Бұл зерттеу тегін жүргізіледі.
Аягөз Оралбайқызы, тілші:
Инвазиялық зерттеу диагностикасы - күдікті сейілтіп немесе нақтылайтын процедура. Бұл жерде шарананың жолдасынан, қағанақ суынан, кіндік тамырынан қан алу арқылы дкн зерттеулері жүргізіледі. Генетика саласында бұл алтын әдіс болып саналады. Себебі осы арқылы генетикалық мутацияларды анықтауға болады.
Ал көпбалалы ана Фариза Аспамбетова 2008-жылы тұңғышына жүкті кезінде, ешқандай генетикалық тексеру болмағанын айтады. Ұлының денсаулығындағы кініратты туғанда бір-ақ білген. Бүгінде баласын қоғамға қосу үшін бар күшін салып жүр. Ал одан кейінгі ұл-қыздарының дені сау.
Фариза Аспамбетова, Мұнайлы ауданының тұрғыны:
Қазіргі аналарда тексерістер өте көп. Ол жақсы деп ойлаймын. Жастарға айтарым, дәрігер жіберді ма тапсыр деген затын тапсырып, айтқан затын тыңдау керек. Менің соған көзім жетті. Чикаптан өткізіп алса деймін жастарды. Болашақ ұрпағының дені сау ұрпақ болып қалыптасуына ол үлкен бір септігін тигізеді деп ойлаймын.
Даун синдромы - тұқым қуалайтын ауру емес және жасқа да қарамайды. Яғни, аяқ астынан болатын мутация, - дейді генетиктер. Сондықтан жүкті кезде күдік туындаса, тексерілу аса маңызды.
Аягөз Оралбайқызы
