Жаңалықтарды Telegram арнамыздан оқыңыз!Қызылорда облысында жасанды интеллект көмегімен 151 қылмыс ашылған. Былтыр өңірде интернет-алаяқтарды тұзаққа түсіретін «кибер полиция» құрылымы жұмысын бастап, бүгінде оң нәтижесін беруде.
Әлеуметтік желі арқылы жасалатын қылмыстар күн санап көбейіп барады. Өткен жылы 749 іс қозғалып, мыңнан аса ұялы телефон номері тексерілген. Полиция ІТ технологиялардың көмегімен азаматтарды алдап-арбап ақшасын қолды еткен 62 қылмыскерді қолға түсірді. Облыстық прокуратураның бастамасымен полиция Департаментінен «Киберпол» басқармасы ашылды. Жасанды интеллект арқылы жұмыс істейтін құрылым арнайы бағдарламаларды әрі қарай дамытып жатыр.
Ерлан Алмаханов, қала прокурорының орынбасары:
Жалпы ІТ тергеу жобасының мақсаты – күдікті адамдарды тез және жылдам анықтау. Бұл өте қазір құқық қорғау органдарына тиімділігін көрсетті. Соған байланысты прокуратура органдарының қызметкерлері, барлық қала ауданнан бір-бір тергеу саласына жауап беретін қызметкері осыны үйрету сабақтары өтті.
Әділбек Серікұлы
