Ұлт болмысының діңгегі – тәрбие

Ұлт болмысының негізін сақтап қалатын негізгі діңгек - ұрпақ тәрбиесі. Өзекті мәселе «Білім - инновация» Халықаралық қоғамдық қорының ұйымдастыруымен Түркістанда өткен форумда талқыланды. Жиынға қатысқан ата-аналар мен педагогтар ұрпақ тәрбиесіндегі маңызды мәселелерге тоқталып, сарапшылар өзара пікір алмасты. Әсіресе нашақорлық, есірткі жарнамасы, вандализм мен лудоманияға қарсы күресті күшейту қажеттігі айтылды. Отбасы мен қоғам арасындағы байланысты нығайтуда мұндай форумдар аса қажет дейді мамандар.

Айгүл Қасымбекова, облыстық білім басқармасы басшысының орынбасары:

Қоғамның дамуына кедергі келтіретін осындай зиянды әдет, мінез құлықтардың алдын алу үшін осы жерде балаларымызды қалай тәрбиелейміз, ата-аналардың үлесі қалай болады деген тақырыптарды талқылау үшін жиналып отырмыз. Қоғамдағы әрбір азаматтың ұстанатын ұстанымы болғандықтан, бұл форум өз нәтижесін береді деген үмітіміз бар.

Айнұр Әбілқасымқызы