«Таза Қазақстан»: 3493 тонна қоқыс шығарылды

Ұлытау облысының барлық өңірінде «Таза Қазақстан» жалпыұлттық акциясы жалғасып жатыр. Бүгін Жезқазған қаласында белсенді жастар Жастар ресурстық орталығының аумағын және Жаңаарқа ауданындағы «Мәңгілік ел» алеясының қарын тазалады. «Таза Қазақстан» экологиялық акциясы басталғалы өңірде барлығы 148 мыңнан астам адам, 1317 ұжым мен 1997 техника жұмылдырылған. Нәтижесінде, 3493 тонна қоқыс шығарылды.

Сәкен Қайратұлы, Жезқазған қаласының жастар ресурстық орталығының директоры:

Қарды күреуге күші жетпейтін ардагерлеріміздің тізімін алып, жастар жиналып осы акцияға атсалысамыз деген ниетіміз болды. Мінеки, жиналдық жасап жатырмыз. Өзіміз үшін керемет, денемізді шынықтырып, ата-әжелерімізден бата алып жатырмыз. Бұл акция жастарды тәрбиелеуге үлкен қомақты үлес қосады деген ойым бар.