Қазақстан мен Қатар екі газ өңдеу зауытын салады

Қатар компаниясы Қашаған кен орнында екі газ өңдеу зауытының құрылысына қатысып жатыр. Бұл жобалардың жүзеге асу барысын Премьер-министр Олжас Бектенов Қатардың Power International Holding компаниясының басшылығымен талқылады. Қуаты 1 миллиард текше метр болатын алғашқы зауытты 2027 жылы, ал екіншісін 2030 жылы іске қосу жоспарланған. Сонымен қатар «Бейнеу – Бозой – Шымкент» газ құбырының екінші желісі екі кезеңмен салынады. Бірінші кезең 2027 жылы, екіншісі 2029 жылы аяқталмақ. Тараптар телекоммуникация саласындағы ынтымақтастықты да талқылады. Олжас Бектенов жобаларды уақытында аяқтау үшін жұмысты жандандыруды тапсырды.