Шымкентте заңсыз салынған 8 нысан бұзылады

Шымкентте заңсыз салынған ғимараттар бұзыла бастады. Солардың бірі шаһар орталығындағы сауда орталығы. Орталық көшелердің қиылысында қозғалысқа кедергі келтіріп тұрған кәсіпкерлік нысан он жылдан астам уақыт жұмысын жалғастырып келген.

Екі жақты келіссөз нәтижесінде кәсіпкер бұл ғимараттан өз еркімен бас тартты және оны сатып алу, бұзу жұмысына қазынадан қаржы бөлінген жоқ. Былтыр мегаполисте осындай 4 нысан қиратылып, бірқатарының орнына демалыс-тынығу орындары салынды. Ал биыл 8 ғимаратты бұзу туралы сот шешімі қабылданған.

Алдияр Мұсабаев, Шымкент қалалық орта сапасы және бақылау басқармасы басшысының орынбасары:

Бір аптаның көлемінде барлығын ретке келтіріп, қолайлы орта жасап, көшені кеңейтіп, асфальтін реттеп, барша ирригациялық жүйесін ретке келтіру жұмысымен айналасамыз.

Ғани Қалмаханов