Жаңалықтарды Telegram арнамыздан оқыңыз!Шымкентте кәсіпкерлердің ісіне әдейі кедергі келтірген лауазым иелері жауапқа тартылды. Сыбайлас жемқорлыққа қарсы іс-қимыл мекемесі қызметкерлерінің тексерісі кезінде Мемлекеттік кірістер Департаментінің 2 қызметкері бизнес өкілдерінің шотын бұғаттап, заңсыз инкасациялық шешімдер шығарған. Олар осындай тәсілмен кәсіпкерлердің 10 миллион 800 мың теңгесін дебиторлық қарыз есебіне қосып, мәжбүрлеп өндірмек болған. Осы іс-әрекеті үшін лауазымды қызметкерлер әкімшілік жазаға тартылып, 12 млн теңгеге жуық айыппұл төлеуге мәжбүр болды. Сыбайлас жемқорлыққа қарсы іс-қимыл департаменті былтыр осындай 11 істі тергеген. Нәтижесінде қызметін асыра пайдаланғандарға 4 миллион 800 мың теңге айыппұл салынды.
Жандос Бекасанов, Сыбайлас жемқорлыққа қарсы іс-қимыл департаментінің басқарма басшысы:
Айыппұлдың ең төменгі мөлшері 100 АЕК, ең жоғары 600 АЕК қарастырылған. Әкімшілік істер қысқартылған тәртіпте қаралып, айыппұл толығымен мемлекетке төленді. Жалпы сыбайлас жемқорлыққа қарсы қызметтің басты бағыты - кез келген құқық бұзушылықты алдын-алу.
Ғани Қалмаханов
