Шымкентте тазалық акциясына 60-қа тарта азамат қатысты

«Аmanat» партиясы ұйымдастырған «Таза бейсенбі» жалпыұлттық акциясы аясында Шымкентте «Шымсити» шағынауданы аумағында тазалық жұмыстары жүргізілді. Оған саяси ұйым мүшелері, жастар, белсенділер мен комуналдық саланың 60-қа тарта азаматы қатысты.

Мегаполистегі жаңадан бой көтеріп келе жатқан бұл аумақта қазір құрылыс қарқынды жүруде. Сондықтан маңайға жиі қоқыс жиналып қалады. Акция аясында шағынаудан аумағынан бірнеше көлік тұрмыстық қалдықтары шығарылды. «Аманаттықтар» бұл шараны биыл да үздіксіз жалғастыра бермек.

Әбдез Рахманұлы, «Amanat» партиясы Шымкент қаласы Абай аудандық филиалының атқарушы хатшысы:

Осы акцияға соңғы кездері әлеуметтік желіден, бұқаралық ақпарат құралдарынан көрген тұрғындарымыз көбірек қатыса бастады. Бұл «Таза Қазақстан» акциясы мақсатының орындалғаны деп ойлаймын.

Ғани Қалмаханов