Құтқарушылар екі тәулікте 182 адамды эвакуациялады

Мерекелік демалыс күндерінде төтенше жағдай мамандары күшейтілген режимде жұмыс істеді. Министрліктің мәліметінше, жылдың алғашқы екі тәулігінде 396 қоңырау түсіп, құтқарушылар көмекке барған. Оның 195-і өрт, 201-і іздестіру, авариялық-құтқару және басқа да шаралар. Нәтижесінде 182 азамат эвакуацияланды. Оның 57-сі бала. Ведомство өкілдері тұрғындарға өрт қауіпсіздік шараларын сақтап, ауа райының өзгеруі туралы ескертулерге, жолдардың жабылуы туралы хабарламаларға бей-жай қарамауға шақырады.

Динара Жарқынбек