Елімізде алғашқы вольфрам өндірісі іске қосылды

Елімізде алғашқы вольфрам өндірісі іске қосылды. Алматы облысында ашылған вольфрамды қайта өңдейтін зауыттың мердігері China Civil Engineering Construction Corporation деген қытай компаниясы. Ашық карьер зауыттың қасында, Қорғастан алыс емес жерде. Жобаның құны 300 млн доллар. 1 000-ға жуық жұмыс орнын ашады екен және жобалық қуатына шыққанда жылына 3,3 млн тонна руданы қайта өңдейді, ондағы вольфрам концентратының үлесі 65 пайыз.

Сирек металдар біздің тағы бір тынысымызды ашатын байлық болып тұр. Вольфрам соның бірі. Жарық беретін қондырғыларда, рентген трубкаларына, шамның сымдарына, өте жоғары температурадағы вакуумды пештерде қолданады.