Танымал пианиношы Жәния Әубәкірова 60-қа толды

Қазақтың танымал пианиношы қызы, Құрманғазы атындағы Қазақ Ұлттық консерваториясының ректоры Жәния Әубәкірова 60-қа толды. Айтулы күнге орай өнер шеберінің әріптестері мен шәкірттері кеш ұйымдастырып, халқымыздың ерке қызын ерекше құттықтады. Шараға, Мәдениет және спорт министрі арнайы қатысып, елбасының «Алғыс хатын» табыстады. Онда «Ұлттық консерваторияны ұзақ жыл басқарып, еліміздегі музыкалық білім беру саласын жоғары деңгейге көтерген еңбегіңіз ұшан-теңіз» делінген. Осындай жылы лебіздерге толы кеште өнер ордасының ұжымы барлық аспап түрінде ойнап, бірнеше жанрдағы музыкалық шығармаларды орындады.

Амангелді СЕЙІТХАН