Париж Олимпиадасының басталуына 4 күн қалды

Париж Олимпиадасының басталуына 4 күн қалды. Әлем көз тіккен бұл додада биыл Қазақстан тұңғыш рет гимнастиканың үш түрінен: батуттық, спорттық және көркем гимнастикадан сынға түседі. Нысана көздеуден де Ұлттық команда алғаш рет алты спортшыны апарады. Ал Әйелдер күресінен Қазақстан командасы тарихта тұңғыш рет Олимпиададан сырт қалып отыр. 21 спортшымыз өз мансабындағы екінші Олимпиадаға аттанбақ.

Айта өтейік Париж төрінде 25 спорт түрінен 80 спортшымыз бақ сынайды. Бұған дейін хабарлағанымыздай аталған Олимпиадаға 8 миллион 800 мың билет сатылған. Бұл рекордтық көрсеткіш - дейді халықаралық Олимпиада комитеті мамандары.

Дархан Рахымжан