Жаңалықтарды Telegram арнамыздан оқыңыз!Қостанай облысындағы Алтынсарин ауылы тасқыннан ең көп зардап елдімекендердің бірі. Мұнда 110 үйді су басқан. Бұл сан көбеюі мүмкін. Шығын болған мал-мүліктің есебін жүргізу, әзір мүмкін емес. Себебі, үйлердің дені әлі белуардан суда тұр. Бүгін Алтынсариннің тұрғындарымен осы өңірде жүрген Мәжіліс депуттары кездесті. Өздерінің мұң-мұқтажын айтуға келген елдің қарасы көп. Тұрғындардың дені, шығын дұрыс есептелмей, тиесілі өтемақыны ала алмай қаламыз ба деп алаңдайды. Депутаттар, өз тарапынан көпшіліктің мүддесін қорғап, бірде-бір адамның көмексіз қалмауына күш салатындарын жеткізді. Астанадан келген депуттар тобы, аймақта апта соңына дейін болып, тасқыннан зардап шеккен жұртпен тағы бірнеше кездесу өткізеді.
Дәуренбек Әбдібек
