Жаңалықтарды Telegram арнамыздан оқыңыз!Таразда отқа оранған «Омар ата» базарындағы кәсіпкерлер шығыны 350 млн теңгеге дейін жетуі мүмкін. Бұл туралы қала әкімдігі мәлімдеді. Жергілікті билік өкілдері, жалын шарпыған бес қойманың әр қайсысында шамамен - 30 бен 70 млн теңгенің тұрмыстық тауары сақталған деп болжайды. Әзірге нақты есеп жоқ. Ал кәсіпкерлердің уәжі басқа. Олар бір қойманың өзінде 100 млн теңгенің тауары болды деп отыр. Олардың бірде-біреуі өз тауарын сақтандырмаған. Әзірге шығынды кім өтейтінін кесіп айту қиын. Өйткені өрттің шығу себебі белгісіз. Алдын ала болжам бойынша, электр сымдарының қысқа тұйықталуы болуы мүмкін. Тілсіз жау 4 сағатта әрең ауыздықталды. Ал өрт сөндірушілер базар аумағында су гидранттарының болмауын жергілікті билік пен базар басшылығының салғырттығы деп санайды.
Ербол Әміров, қалалық төтенше жағдайлар басқармасының бастығы:
Қиындықты туындатып жатқаны осы «Омар ата» базары аумағында өрт сөндіру гидранты орналаспағандықтан. Суды біз өрт оқиғасы аумағынан 500 метр ара қашықтықтан алып отырмыз.
Қайрат Исмаил, қала әкімінің орынбасары:
Гидранттар жөнінде ескертулер берілген. Ол мынау ТЖД-мен жүргізілген шара аясында жүргізілген, ескертілген. Нақты айта алмаймын, өйткені жұмыс тобымен тек мынау өрт қауіпсіздігін алдын алу бойынша түсіндірмелер жүргізілді. +Электр желілерін жаңалау бойынша ескертпелер берілген болатын.
