Жаңалықтарды Telegram арнамыздан оқыңыз!
Еуразиялық экономикалық одақ аясында трансшекаралық нарықтағы бәсекелестіктің жалпы ережелерін бұзу туралы өтініштер енді қазақ тілінде де қабылданбақ. Тиісті шешім Мәскеудегі Еуразиялық экономикалық комиссия Кеңесінің бірінші отырысында қабылданды. Осы жылдың ақпан айынан бастап Еуразиялық экономикалық комиссия Алқасын Бақытжан Сағынтаев басқарады.
Кеңес қатысушылары экономикалық одақ өндірушілерін қолдауға және жалпы нарықта дайын өнімнің бәсекеге қабілеттілігін арттыруға бағытталған бірқатар кедендік-тарифтік мәселелерді, сондай-ақ өнеркәсіп және агроөнеркәсіптік кешен мәселелерін қарады. Бәсекелестік және техникалық реттеу бойынша сұрақтар да назардан тыс қалған жоқ.
Индира Бегайдар
