Жаңалықтарды Telegram арнамыздан оқыңыз!Оңтүстік Кореяда ірі ауруханалардың 8 мыңға жуық медицина қызметкері өз еркімен жұмыстан кетті. «Reuters»-дің хабарлауынша, дәрігерлер үкіметтің медициналық оқу орындарына студенттерді көптеп қабылдау жоспарына наразы. Ереуіл жариялаған ақ халаттылардың айтуынша, елде дәрігерлер жеткілікті. Олардың санын көбейтіп қажет емес. «Ең басты мәселе - бұл дәрігерлердің педиатрия және жедел медициналық көмек сынды маңызды, алайда жалақысы аз салаларда жұмыс істеуге зауқы жоқ. Осы бағытқа маман тарту - мәселенің шешімі болмақ», -дейді наразы топ.
Арай Төлегенқызы
