Басты Жаңалықтар Оралдағы балабақшада балалардың үстіне шкаф құлады

Оралдағы балабақшада балалардың үстіне шкаф құлады

01.02.2024 20:12

Орал қаласында балабақшада шкаф құлап, 4 бала мен тәрбиеші жарақат алды. Оқиға түске дейін «Sabi» жеке балабақшасында болған. Бүлдіршіндердің киімі мен керек-жарағы салынған биіктігі екі метрдей шкаф оқыстан құлаған. Тәрбиеші қалқалап үлгергенімен, 4 бала астында қалды. Бәрі де жедел жәрдеммен ауруханаға жеткізілді. Бес жастағы қыз балалардың кеуде тұсы мен білек-қолы жеңіл жарақаттанған. Дәрігерлер қарап, үйлеріне жіберді. Аяғын жарақаттаған 47 жастағы тәрбиешіге амбулаториялық ем тағайындалды. Оқиға орнына полиция барып, мән-жайды анықтап жатыр. Балабақшада 125 бала тәрбиеленеді. 30-ға жуық қызметкер жұмыс істейді.

Зәуре Қуанышқалиева, балабақша әкімгері:

Қазір балабақшада қызметтік ішкі тексеріс жүріп жатыр. Қазір мен сол жақтан келіп жатырмын. Ата-аналарға балаларды тапсырып, тексеріп. Скорыймен, обследование жасатқызып келдім. Балалардың жағдайы жаман емес, жақсы. Ондай қатты жарақат алған жоқ балалар.

Ардақ Мұратқызы

Бөлісу