«Болашақ ойындары-2026»: 453 млн қаралым жиналды

Астанада өткен «Болашақ ойындарының» трансляциясы 453 миллионнан астам қаралым жинады. Тартысты бәсекені 150 елде 289 арна, оның ішінде 56 медиа серіктес пен 229 стример көрсетті. Онлайн көрерменнен бөлек, ойынды трибуналардан 30 мың адам тамашалады. 12 күн болған жарысқа әлемнің түкпір-түкпірінен 800 спортшы қатысқан еді. Отандық командалардан Team KZ Фиджитал Шутер чемпион атанды. Турнирдің жалпы жүлде қоры 4 жарым миллион доллардан асты. Осылайша, спорт пен цифрлық технологияларды тоғыстырған турнир әлем назарын Қазақстанға аударды. Спорттың ғана емес, туризмнің де дамуына үлес қосты, дейді сарапшылар.