Ақмола облысында бюджет қаржысын жымқырғандар сотталды

Ақмола облысында 12 миллион теңгеге жуық бюджет қаржысын жымқырған экс-шенеунік 2 жыл 4 айға бас бостандығынан айырылды. Бурабай аудандық тұрғын үй-коммуналдық және тұрғын үй инспекциясы бөлімінің басшысы серіктестік директорының орынбасарымен сөз байласып, Зеленый бор ауылына қазандық құбырын қоюға бөлінген қаржыны талан-таражға салған. Яғни, іс жүзінде орындалмаған жұмыстарды аяқталды деп құжаттарға қол қойған. Мұндай қитұрқы әрекетке барған мердігер де 2 жыл 8 айға сотталды.

Ұмсындық Наурызбаева