Жаңалықтарды Telegram арнамыздан оқыңыз!Сенат Франциямен арада жаңартылатын энергия көздеріне қатысты заңды мақұлдады. Екі жақты келісім аясында ірі жобаларды іске асыру жоспарланған. Мәселен, құжатта Жамбыл облысы Мирный кентінің аумағында, жалпы қуаты 1 ГВт жел энергиясын пайдаланатын гибридті электр станциясын салу көзделген. Бұл - жаңартылатын энергия көздері секторын дамытуды жалғастыруға, нысаналы индикаторларға қол жеткізуге, жыл сайынғы көмірқышқыл газының зиянды қалдықтарын кемінде 2 млн тоннаға қысқартуға мүмкіндік береді. Мирный жобасы 250 адамды еңбекпен қамтиды. Тағы 2500 тұрғынның уақытша жұмысқа орналасуына жол ашылады. Әрі 820 млрд теңгеге жуық инвестиция тартылмақ.
Мәулен Әшімбаев, ҚР Парламенті Сенатының Төрағасы:
Мемлекет басшысы Қасым-Жомарт Кемелұлы Тоқаев таяуда Дубайда өткен климат жөніндегі саммитте Қазақстан метан қалдықтарын азайту жөніндегі жаһандық міндеттемеге қосылатынын мәлімдеді. Бүгін қаралған арнайы келісім елімізде жаңартылатын энергия саласындағы ірі жобаны іске асыруды көздейді. Жалпы, заңды жүзеге асыру Қазақстанда «жасыл» энергияның үлесін арттыруға мүмкіндік береді.
Жандос Темірғали
